Val á hellum
Mikilvægt er að velja réttar hellur fyrir hellulagða svæðið út frá álagi og umferð.
Rétt helluval skiptir máli þegar kemur að útliti og endingu. Það er mikilvægt að velja réttar hellur fyrir ákveðið svæði og skoða þykkt, stærð og álagsflokk.
Þykkt og stærðir á hellum Staðalþykkt á hellum frá BM Vallá er 6 cm þykkt sem hentar fyrir flest svæði, t.d. innkeyrslur, bílastæði og þar sem létt umferð er. Ef hellulagða svæðið þarf að þola þunga umferð eða ökutæki er gott að nota þykkari hellur eins og 8 cm þykkar sem eru sérstyrktar og þola aukna þyngd.Þegar kemur að því að velja stærðir á hellum þá er gott að hafa í huga að fyrir innkeyrslur skulu stærð hellna ekki vera meiri en 30x30, nema þær séu í 8 cm þykkt. Hins vegar ganga allar aðrar stærðir fyrir göngustíga og verandir.Álagsflokkar fyrir hellur eru fjórir, frá I til IV, og eftir því sem álagið á hellulagða svæðið er meira þarf að velja hærri flokk.
