SAMFÉLAGSSJÓÐUR

Við látum gott af okkar leiða til samfélagsverkefna innan sem utan fyrirtækisins og landsteina.

STUÐNINGUR VIÐ SAMFÉLAGIÐ

BM Vallá starfrækir samfélagssjóðinn Hjálparhellu, sem veitir fjárstyrki til fjölbreyttra samfélagsverkefna sem öll eiga það sameiginlegt að hafa jákvæð áhrif á samfélagið. Helstu styrktarverkefni ársins voru UNICEF á Íslandi og Römpum upp Ísland.

Hluti af veltu rennur til góðgerðarmála
Viðskiptavinir BM Vallár gegna mikilvægu hlutverki í samfélagsverkefnum fyrirtækisins þar sem ákveðið hlutfall af ársveltu rennur til góðgerðarmála. Þannig geta allir sem eiga viðskipti við fyrirtækið verið hjálparhellur og lagt sitt af mörkum til samfélagsins.

Starfsfólk velur Hjálparhellu ársins
Árlega er einnig valinn hjálparhella ársins, sem er starfsmaður samstæðunnar sem hefur vakið athygli og eftirtekt í tengslum við þátttöku í samfélagstengdum verkefnum.

FRAMLAG TIL BETRA SAMFÉLAGS

Römpum upp Ísland
BM Vallá hefur frá upphafi, eða 2021, verið hluti af verkefninu Römpum upp Ísland sem snýr að því að auka aðgengi hreyfihamlaðra að verslun og þjónustu á landinu. Þessu magnaða framtaki lauk í ár þegar 1.756 rampar voru reistir um allt land, og það með hellum frá BM Vallá.

UNICEF á Íslandi
BM Vallá hefur frá árinu 2020 veitt UNICEF á Íslandi fjárstyrki til verkefna sem miða að því að bregðast við neyð barna og fjölskyldna þeirra. Nýverið var samningurinn endurnýjaður til næstu þriggja ára, með áherslu á að styðja börn á Gaza í gegnum mannúðaraðstoð. Neyð barna á Gaza er gríðarleg og UNICEF áætlar að 1,1 milljón barna þurfi nú á vernd og hjálp að halda.

OKKAR EIGIN HJÁLPARHELLA

Hjálparhella fyrirtækisins er tilnefnd árlega af starfsfólki þar sem viðurkenning er veitt þeim aðila sem vakið hefur athygli og eftirtekt í tengslum við þátttöku í samfélagstengdum verkefnum. Verkefnið er tengt við samfélagssjóð fyrirtækisins en er einnig hugsað sem tækifæri til fræðslu og til að leggja áherslu á mikilvægi þess að gefa af sér og ítreka tengsl við hamingjurannsóknir.

Góðgerðarviðburðir fyrir þau sem þurfa hjálparhönd
Starfsfólk valdi Bartosz Marcin Tymosiak sem Hjálparhellu ársins 2024, en hann hefur lagt sig fram við að halda góðgerðarviðburði og safnað fjármunum fyrir einstaklinga sem glíma við erfið veikindi. Bartosz hefur sýnt einstaka fórnfýsi og elju með því að gefa tíma sinn til góðgerðarmála og halda streymisviðburði á YouTube, Facebook og TikTok. Á þessu ári hefur hann safnað yfir 500.000 krónum til styrktar einstaklingum sem þurfa á hjálparhönd að halda.

Á árshátíð fyrirtækisins var Bartosz heiðraður með hinum eftirsótta titli. Vegna góðgerðaviðburðar sama kvöld fyrir Gramy Dla Adasia, ungbarn sem greindist við fæðingu með Arthrogryposis og hefur þurft að gangast undir fimm stórar aðgerðir, gat Bartosz því miður ekki verið viðstaddur árshátíðina. Viðburðurinn var haldinn til að safna fyrir endurhæfingu og meðferðum Adasia.