STJÓRNARHÆTTIR

Við fylgjum skýrri stefnu og reglum um góða stjórnarhætti sem fela meðal annars í sér siðareglur og virðingu fyrir mannréttindum.

STJÓRNARHÆTTIR OG VIÐMIÐ

Stjórnarhátta- og hlítnireglur ná meðal annars til mannréttinda, varna gegn peningaþvætti, samfélags- og umhverfisáherslna, auk siðareglna fyrir starfsfólk og birgja. Öllu starfsfólki eru veittar leiðbeiningar og þjálfun í meðhöndlun hagsmunaárekstra og verklagsreglum sem ætlað er að koma í veg fyrir spillingu. Einnig er veitt fræðsla um samkeppnislög, viðmið um góða stjórnarhætti, spillingarvarnir, eftirfylgni og viðurlög við brotum á þessum reglum.

Skuldbindingar gagnvart lögum og reglum
Öll viðskipti skulu fara fram í samræmi við viðeigandi lands- og samkeppnislög og þær siða- og samvinnureglur sem hafa verið gefnar út. Starfsfólk skal ávallt starfa af heiðarleika og fagmennsku í öllu sínu starfi.

Notkun fjármuna fyrirtækisins í ólöglegum eða óviðeigandi tilgangi er með öllu óheimil, hvort sem um er að ræða að veita eða þiggja mútur. Settar hafa verið reglur um hagsmunaárekstra, ásamt því að reglur eru viðhafðar í tengslum við að veita eða þiggja gjafir eða önnur fríðindi.

MANNRÉTTINDI

Fyrirtækið skuldbindur sig til að virða mannréttindi, stuðla að jafnrétti og tryggja sanngjarnar vinnuaðstæður fyrir allt starfsfólk. Fylgt er ströngum kröfum og löggjöf um upplýsingaöryggi og meðferð persónuupplýsinga, hvort sem um ræðir viðskiptavini, birgja eða starfsfólk.

Varnir gegn peningaþvætti
Reglubundnar athuganir og úttektir eru framkvæmdar til að draga úr áhættu á peningaþvætti eða öðrum ólögmætum athöfnum af hálfu þriðja aðila. Einnig er lögð áhersla á að forðast notkun reiðufjár í viðskiptum til að auka gagnsæi og tryggja að reglum sé fylgt.

Ábyrgð hvers starfsmanns
Allt starfsfólk ber ábyrgð á því að þekkja og fylgja siðareglum fyrirtækisins. Jafnframt ber því að tilkynna um möguleg brot á þessum reglum í gegnum SpeakUp-úrræðið.

Jákvæð og uppbyggileg samskipti
Starfsfólk er hvatt til að viðhafa jákvæð og uppbyggileg samskipti og sýna ábyrgð í því skyni að skapa gott og öruggt vinnuumhverfi. Einnig er það hvatt til að tilkynna um óæskilega hegðun eða vandamál sem kunna að koma upp.

SIÐAREGLUR

Einfalt ferli til að tilkynna mögulegt brot
Sett hefur verið upp stefna og áherslur er varða lög um vernd uppljóstrara. Ef starfsfólk hefur upplýsingar um alvarlegt misferli s.s. brot á lögum, reglum eða stefnum innan fyrirtækisins er hægt að senda inn nafnlausa tilkynningu í gegnum „SpeakUp“ eða hafa samband við skilgreinda tengiliði.

Siðareglur
Siðareglur birgja mynda grunn að öllum samningstengslum fyrirtækisins við birgja sína. Gert er ráð fyrir að birgjar virði og tileinki sér þessar reglur sem samrýmast gildum fyrirtækisins. Siðareglunum er ætlað að veita vörn gegn spillingu og setja skýra áherslu á umhverfismál.

Þær eru í samræmi við alþjóðlega staðla í samfélagsábyrgð, svo sem SA 8000, þýsku löggjöfina um áreiðanleikakönnun í birgjakeðjum og umhverfisstaðalinn ISO 14001.

BM Vallá fylgir gildandi lögum og reglum í allri starfsemi sinni. Hlítnireglur eru reglulega endurskoðaðar og aðlagaðar til að endurspegla breytileg gildi og viðmið samfélagsins.

TENGING VIÐ HEIMSMARKMIÐ

Sjálfbærnistefnan er lýsandi fyrir áherslurnar í samfélagslegri ábyrgð og tekur stefnan mið af heimsmarkmiðum Sameinuðu þjóðanna um sjálfbæra þróun í tengslum við umhverfisleg, félagsleg og stjórnháttaviðmið. Fimm af þessum heimsmarkmiðum hafa verið valin til að vera í forgrunni í stefnu og aðgerðum fyrirtækisins:

Jafnrétti kynjanna
Nýsköpun og uppbygging
Sjálfbærar borgir og samfélög
Ábyrg neysla og framleiðsla
Aðgerðir í loftslagsmálum

Skoða sjálfbærnistefnu