VERKEFNI

Við höfum átt farsælt samstarf með verkkaupum sem deila sömu framtíðarsýn og eru reiðubúnir að stuðla að vistvænni lausnum í mannvirkjagerð.

OKKAR EIGIÐ HRINGRÁSARHÚS

Söluskrifstofa og fagverslun flytja í hringrásarhús.

Samkvæmt nýju deiliskipulagi við Ártúnshöfða þarf starfsemi BM Vallár að víkja. Í haust verður fyrsti áfangi flutninga tekinn þegar söludeild, lager, múr- og fagverslun verða sameinuð í nýju hringrásarhúsnæði sem er í byggingu við Bíldshöfða 7.

Mikilvægt fordæmi fyrir sjálfbæra hönnun og uppbyggingu
Húsið verður byggt úr endurnýtanlegum steyptum húseiningum. Við hönnun hússins var mikil áhersla lögð á að lágmarka kolefnisspor hússins með vistvænum lausnum ásamt því að tryggja góða innivist. Botnplatan var mulin undir núverandi byggingu og efnið þannig endurnýtt. Jafnframt verður dregið úr sementsnotkun og endurunnin steinefni verða notuð í húseiningarnar.

Hringrásarhús verður sett upp á nýjum stað
Þegar ný staðsetning starfseminnar liggur fyrir, verður hringrásarhúsið tekið niður og endurreist á nýjum stað. Þessi nálgun stuðlar að aukinni hringrásarhugsun í mannvirkjagerð, dregur úr kolefnisspori og sýnir gott fordæmi fyrir sjálfbæra uppbyggingu. Slík framkvæmd skapar einnig tækifæri til lærdóms og miðlunar þekkingar sem nýtist við framtíðarbyggingar sem verða reistar á sömu hugmyndafræði.

METNAÐARFULL UPPBYGGING

Laugavegur 168-174 er steyptur með Berglindi.

Framkvæmdafélagið Laugavegur stendur fyrir afar framsækinni uppbyggingu á svokölluðum Heklureit sem stendur við Laugaveg 168-174. Í fyrsta áfanga rís átta hæða fjölbýlishús með 82 íbúðum að Laugavegi 168. Íbúðirnar eru bjartar og rúmgóðar með svölum ásamt því að á efri hæðum er þakgarður. Undir húsinu er bílakjallari með hleðslustöðvum.

Berglind minnkaði kolefnissporið
Ákveðið var að nota Berglind, vistvænni steypu, í mannvirkið sem skilaði því að kolefnisspor steypunnar minnkaði um 28%*. Framkvæmdin við Heklureit markar nýjan mælikvarða í íslenskum byggingariðnaði og sannar að sjálfbærar lausnir geta gengið hönd í hönd með vönduðum gæðum og nútímalegri hönnun.

_{*Samanborið við steypu samkvæmt kröfu byggingarreglugerðar.}

SVANSVOTTAÐ FJÖLBÝLISHÚS

Fyrsta Svansvottaða fjölbýlishús landsins, steypt með Berglindi.

Byggingarfélagið MótX byggði metnaðarfullt fjölbýlishús að Hringhamri 9-11 í Hafnarfirði. Ákveðið var að íbúðirnar yrðu Svansvottaðar og hlaust fullnaðarvottun í ágúst 2024.

Þetta er stærsta íbúðaverkefni á Íslandi sem hefur hlotið Svansvottun, en alls fengu 36 íbúðir vottunina sem tryggir að byggingin uppfylli strangar kröfur um umhverfisáhrif, orkunotkun og innivist. Íbúðirnar eru rúmgóðar og bjartar með góðum svölum. Undir húsinu er bílakjallari með fjölda bílastæða með hleðslu fyrir rafmagnsbíla. Auk þess eru djúpgámar við húsin sem tryggja flokkun á sorpi.

Með því að nota Berglindi, vistvænni steypu, náði að minnka kolefnisspor frá steypunni* um 31%.

_{*Samanborið við steypu samkvæmt kröfu byggingarreglugerðar.}

SJÁLFBÆRNI OG ENDURNÝTING

Endurnýting byggingarefni og umhverfisáherslur.

Við Háteigsveg 59 hafa Félagsbústaðir tekið í notkun nýjan þriggja hæða búsetukjarna með átta íbúðum. Byggingin, sem er um 500 fermetrar, er skýrt dæmi um metnað, nýsköpun og hringrásarhugsun í byggingariðnaði, þar sem vistvæn efni og skapandi endurnýting voru í forgrunni.

Endurnýting og vistvænni efni
Markmiðið var að skapa bjartar og vel skipulagðar íbúðir á sama tíma og lögð var áhersla á að draga úr kolefnisspori og nýtingu byggingarefna sem annars hefðu farið til spillis. Til að draga enn frekar úr kolefnisspori byggingarinnar var ákveðið að nota Berglindi, vistvænni steypu.

Endurunnar hellur voru nýttar sem íblöndunarefni í steypuna
Verkefnið fól í sér nokkur tilraunaverkefni hjá BM Vallá með það að markmiði að hámarka endurnýtingu og draga enn frekar úr kolefnisspori steypunnar. Þannig var gengið enn lengra í nýtingu efna í steypugerðinni og afgangshellur voru malaðar og notaðar sem íblöndunarefni í steypuna. Með þessari aðferð tókst að minnka kolefnisspor Berglindar um allt að 39% miðað við hefðbundna steypu, án þess að rýra mikilvæga eiginleika hennar.

_{*Samanborið við steypu samkvæmt kröfu byggingarreglugerðar.}

LOFTSLAGSÁSKORUNUM MÆTT

Stefnt á að minnka umhverfisáhrifin verulega

Fjölbýlishúsið á Frakkastíg 1 verður á sjö hæðum. Þar verða 10 íbúðir, stigahús og lyfta, auk verslunar- og þjónusturýmis á jarðhæð. Undir byggingunni eru geymslur og bílastæði.

Hringrásarsvæði við sjóinn
Svæðið við Frakkastíg er hugsað sem hringrásarsvæði við sjóinn, þar sem sjálfbærni, samfélagsábyrgð og aðlögun að náttúru og menningu eru í forgrunni.

Byggingarefnin vega þyngst
Samkvæmt skýrslu um kolefnislosun byggingariðnaðarins má rekja 55% af heildarlosuninni til byggingarefna og framkvæmda (fasar A1-A5), þar af stafar 45% eingöngu af byggingarefnum (A1-A3). Þetta undirstrikar mikilvægi þess að þróa lausnir sem draga úr kolefnislosun í framleiðslu og notkun byggingarefna. Markmið verkefnisins er að minnka umhverfisáhrif verulega, með áherslu á allt að 50-60% samdrátt í kolefnislosun miðað við hefðbundna hönnun. Steypan í mannvirkinu er Berglind frá BM Vallá enda hefur hún minnsta kolefnissporið.

_{*Samanborið við steypu samkvæmt kröfu byggingarreglugerðar.}